06‏/06‏/2010

ســاعة يوتيوبــية

دخول اليوتيوب صار من عادات اليومية للمستخدمين الانترنت بشكل يومي .. وصار لازم يقعد على يوتيوب ساعة على اقل وهو يدش من فيديو لي فيديو .. وفيديو يستفيد منه وفيديو يضحك عليه وفيديو مايدري ليش يشوفه !!
ملاحظتي على يوتيوب واستخدامي له انه فيديوات العربية او الخليجية بشكل خاص مامنها فايده وكلها برامج مسجله او لقطات سخيفة ومالها معنى وماكو فايده او ناتج علمي.. طبعا مو الكل !! بس الاغلب غالب ..

ولما نشوف الفيديوات الاجنبية تلقا فيها فايده علميه , ثقافية , اجتماعية , مضحكة بس بدون سخافة .. وتطلع بنتيجة من الفيديو وتستفيد من الدقايق اللي شفتها .. طبعا مو الكل !! بس الاغلب غالب ..


وليش فيديوات العربية ماتصير مثل جذي !

مثل لو تبي تتعلم على فوتوشوب تكتب فوتوشوب بالانجليزي وتشوف ناس منزلة فيديوات تعليمية عن استخدام فوتوشوب وبالعربي ماتحصل شي !

ولما تبي عن اخر تكنلوجيا وعالم تلفونات النقالة ماتلقى شي بالعربي ! وكل شي بالانجليزي .. انا مااقول اصنعو لنا اجهزة نقالة بس اصنعو لنا فيديو تعليمي يعلمنا شلون نستخدم الجهاز !!

بس شاطرين تنزلون بابايات - مسلسلات - مسرحيات - سخافات - تعليقات غبيه !


ياريت تنزلون شي فيه فايدة لو حق شخص واحد
** فأحسن اختيارك **

08‏/03‏/2010

كويتي قنوع :)


اخترت ثلاث دول بالعالم بخصوص توفير سـكـن .. دوله جاره لنا ودوله بعيده ولكن الكل يضرب فيها المثل واخترت دولتي الحبيبه الكويت :)
اول دوله بعد مايتزوج الشخص يطلب ارض ويعطونه ارض بمنطقه هم يختارونها ويبني من فلوسه الخاصه ..
ودوله الثانيه ماتعطيك شي حتى لو تموت تشتري قبرك بفلوسك وانت ميت وتسكن فيه :)
واحنا الكويت توفر لنا القبر ابلاش وسكن ابلاش .. صج البيت يطلع لك بعد 15 سنه او 20 سنه بس لو تحسبها بمسأله حسابيه بسيطه :) تطلع انت الربحان شوف معاي ....
لو وفرت من معاشك 500 دينار "طبعا صعب تسوي هالشي" ولي مدة 15 سنه والـ15 سنه فيها 180 شهر .. يعني مبلغ اللي يطلع وياك 90 الف دينار كويتي :) والحكومه توفر لك بيت بعد 15 سنه بنفس السعر ولاتنسى ان الحكومة بفتره الـ15 سنه تعطيك بدل اجار..
يعني انت الربحان يالكويتي وحمد ربك وخلك بين قوسين
((( قـــــــنــــــــــوع ))) ..
.
شكـــرا ياحـــكــــومتـــــــنا ...



*******************



قنوع وآسخط في كنوز العالم المتشبعه


وقناعتي كنزي.. وشبعتهم هلاك في هلاك


لاصرت في صحه وخير وذود آبوي مربعه


كني ملكت الكون كله من هناك ليا هناك


يكون شيء مجمل حبالي عليه..مجبعه


يامجبع حبالي وآنا الظميان والما بس ماك


شبيت في قلبي وآنا بطبع البرود مطبعه


وكذاب من قال الحرارة من نتاج الإحتكاك


هذا آنت في لوس آنجلوس متقبعلك قبعه


وآنا على عرق وخفوقي يابعد عمري معاك


لبيك ياأظبي ظابيات الزين وأشرس سبعه


لبيك من ثورة نفسك الين ترتيبت حكاك


يامنبع من الزين لا الزين إنت منبعه


سبحان من سواك لين أصبحت تفرق عن سواك


وسبحان من خلى شطوطك ف الحشا متربعه


وسبحان من وحدك لاتحذى ولا يوخذ حذاك


وسبحان من خلى الخفوق أيتبعك وأتبعه


وسبحان من خلاني أقول العمر جعله فداك
الشاعر: سعد علوش

17‏/01‏/2010

علي بابا والاربعين حرامي


علي بابا والأربعين حرامي إحدى أشهر قصص و شخصيات حكاية ألف ليلة و ليلة
تدور أحداث القصة في بغداد في فترة العصر العباسي حول حطاب عربي بسيط يدعى علي بابا
ويسمع بالصدفة كلمة السر التي تفتح باب المغارة التي يخبيء بها عصابة لصوص كنوزهم
بفضل كلمة السر الشهيرة إفتح يا سمسم
تمكن علي بابا من الحصول على الكنوز المخبأة في المغارة
لكن اللصوص يعلمون بمكانه من خلال جاره الحاسد الذي وشى بعلي بابا
فقرر اللصوص الذهاب إلى بيته لقتله واسترجاع الكنوز
أرسل اللصوص جاسوس ليعرفوا بيت علي بابا
ويضعوا عليه علامة لكي يذهبوا إليه في الليل لقتله
ولولا فطانة زوجته مرجانة التي قامت بعد رحيل الجاسوس بمسح العلامة ووضعها على باب الجار السيئ
وذهب اللصوص وقتلو الجار وليس علي بابا

11‏/01‏/2010

الى الخاين الغدار



تحسين انتي ؟ ما أصدق ! لا ولا عمرج بتحسين
تخونيني و تجيني اليوم تبين الحب و غفرانه
رحتي قد ما رحتي و جيتي نادمه بعدين
بعد هالغيبه جيتيني و حالك حيل تعباته
دار الوقت و جيتيني و عن همك تبين تشكين
تبين العون من قلبٍ في حبك جفت أغصانه
روحي و اتركي قلبي و خليني أعيش ألحين
مدام اني ربحت الحب عيشي اليوم خسرانه
ترجيتك من الأول و كنتي بحالي ما تدرين
أنا ياما و ياما قلت تراك بحقي غلطانه
أنا يأسي تملكني ولا أدري أروح لي وين
ضاق الكون في عيني و قلبي ضاق شريانه

:::::::::::::::::::::::::::::::::::::::::::

أوعدك ما يوم أنسى اللي في قلبي عملته
لما سلمته بدينك و إنتا قدامي ذبحته
كان طيب كان وافي كان يحبك و إنتا جافي
كانوا لما يحذرونه من هواك يقول كافي
!لون و بدل شعورك و انتظر يومك و دورك
مثل ما فيني تسليت الزمن يكسر غرورك
و الهوى مهما يطيعك مهما طول به ربيعك
راح يجيلك يوم و تعشق واللي تحبه يبيعك
أنا عايش بس تدري إني لين اليوم مدري
كيف قلبي و ليش قلبي عايش و ينبض في صدري
قلبي اللي كان يصونك كان حالف ما يخونك
نفسه يعرف حاجه وحده ليش خانتها عيونك

05‏/01‏/2010